Bakı. 22 iyun. REPORT.AZ/ "Sumqayıt" futbol klubunun baş məşqçisi Nazim Süleymanovun köməkçilərindən biri müəyyənləşib.
"Report"un klubun saytına istinadən verdiyi məlumata görə, Emil Babayev qapıçılar üzrə məşqçi funksiyasını yerinə yetirəcək.
Qeyd edək ki, 37 yaşlı mütəxəssis 2008-2009-cu illər ərzində "Neftçi"nin əvəzedici komandasında, 2008-2011-ci illərdə Azərbaycanın U-15 və U-17 milli komandalarında işləyib. E.Babayev həmçinin 2009-2011-ci illərdə "Rəvan"da, 2012-2015-ci illərdə "Simurq"da, 2016-2018-ci illərdə isə Rusiyanın MOİK futbol akademiyasında çalışıb.