Bakı. 9 iyul. REPORT.AZ/ "Sumqayıt" klubu daha bir futbolçunu heyətinə cəlb edib.
"Report"un klubun rəsmi saytına istinadən verdiyi məlumata görə, əslən azərbaycanlı Əli Babayevlə 2 illik müqavilə bağlanılıb. Babayev yeni komandasında 99 nömrəli formada çıxış edəcək.
Qeyd edək ki, 1990-cı il təvəllüdlü dayaq yarımmüdafiəçisi peşəkar karyerası boyunca yalnız "Hapoel Ra'anana"nın şərəfini qoruyub. Əli Babayev İsrail təmsilçisinin heyətində meydana çıxdığı 135 oyunda 5 dəfə rəqib qapılarına yol tapıb. O, son mövsümdə isə 19 rəsmi oyunda meydana çıxıb.