Silvio Berluskoni İtaliyada yeni klub alır

Bakı. 5 sentyabr. REPORT.AZ/ İtaliya təmsilçisi “Milan”ın sabiq prezidenti Silvio Berluskoni və əvvəlki vitse-prezident Adriano Qalliani yeni futbol klubu almaq üçün danışıq aparır.

“Report” xəbər verir ki, bu barədə şəxsi “Twitter” səhifəsində “Sky Sport”un jurnalisti Peppe Di Stefano yazıb. O, İtaliya C Seriyasında çıxış edən “Montsa” klubunun alışı üçün danışıq aparıldığını bildirib.

Qeyd edək ki, Silvio Berluskoni 1986 - 2017-ci illərdə “Milan”ın sahibi olub. O, apreldə gec-tez sabiq klubunu geri alacağını deyib.