Ötən gün futbol üzrə Rusiya Premyer Liqasında 4-cü turun oyunları keçirilib.
“Report” xəbər verir ki, Azərbaycan milli komandasının hücumçusu Ramil Şeydayevin şərəfini qoruduğu Moskva "Dinamo"su səfərdə paytaxtın "Spartak" klubunun qonağı olub.
Görüş qolsuz bərabərliklə başa çatıb.
Ramil Şeydayev start heyətində meydana çıxsa da, 74-cü dəqiqədə Vyaçeslav Qrulyev ilə əvəzlənib.
Bu oyundan sonra hər iki komanda xallarının sayını 5-ə çatdırıb və müvafiq olaraq 8 və 9-cu yerlərdə qərarlaşıb.
Növbəti turda "Dinamo" doğma meydanda "Zenit"i qəbul edəcək.