Yuxarı
    Bağlamaq

    Ruslan Abışovu "Rubin"dən kənarlaşdıran baş məşqçi istefaya göndərilib

    Rinat Bilyaletdinovla müqavilə qarşılıqlı razılıq əsasında pozulub

    Bakı. 11 sentyabr. REPORT.AZ/ "Rubin" futbol komandasının baş məşqçisi Rinat Bilyaletdinov istefaya göndərilib. "Report"un məlumatına görə, klubun baş direktoru İlgiz Fəxriyev 57 yaşlı mütəxəssislə anlaşmanın qarşılıqlı razılıq əsasında pozulduğunu bildirib.

    Bu addıma uğursuz nəticələr səbəb olub. Kazan komandası Rusiya Premyer Liqasında 7 turdan sonra 16 komanda arasında 15-ci pillədə qərarlaşıb. Bununla yanaşı, "Rubin" Avropa Liqasının qrup mərhələsinə vəsiqə qazanıb. Baş məşqçi səlahiyyətlərinin icrası Valeri Çalıya həvalə olunub. Fəxriyev yeni baş məşqçinin tezliklə açıqlanacağını əlavə edib.

    Qeyd edək ki, Rinat Bilyaletdinov "Rubin"ə 2014-cü ilin yanvarında baş məşqçi təyin olunub. Onun gəlişindən yarım mövsüm sonra Azərbaycan millisinin futbolçusu klubu əvvəlcə icarə əsasında, bu ildən isə birdəfəlik tərk edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi