Yuxarı

​Rumıniya klubu Avropa Liqasında azarkeşsiz çıxış edəcək

Cəza Avrokuboklarda qatılmağa haqq qazandığı ilk mövsümdə qüvvəyə minəcək

Bakı. 25 fevral. REPORT.AZ/ UEFA Rumıniyanın "Styaua" klubunu cəzalandırıb. 

"Report"un məlumatına görə, buna səbəb Avropa liqasının qrup mərhələsində Ukrayna "Dinamo"suna qarşı keçirilən oyunda azarkeşlərin irqçi pankartlar açması olub.

Nəticədə UEFA-nın cəzası ilə üzləşən klub Avrokuboklarda 2 oyununu azarkeşsiz keçirməli olacaq. Üstəlik, noyabrın 11-də keçirilən qarşılaşmada rumın azarkeşlərin meydana kənar əşyalar atması və lazerdən istifadə etməsi kluba 20 min avroya başa gələcək. 

Avroliqada qrupu 3-cü pillədə tamamlayan "Styaua"nın cəzası Avrokuboklara qatılmağa haqq qazandığı ilk mövsümdə qüvvəyə minəcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi