Bakı. 20 iyun. REPORT.AZ/ Rusiyada keçirilən futbol üzrə dünya çempionatında B qrupunda baş tutan Portuqaliya - Mərakeş oyununun ən yaxşı oyunçusu müəyyənləşib.
"Report"un FİFA-nın saytına istinadən verdiyi məlumata görə, Portuqaliya millisinin hücumçusu Kriştianu Ronaldu mundialda ikinci dəfə oyunun ən yaxşı futbolçusu adına layiq görülüb.
33 yaşlı forvard sözügedən matçda vurulan yeganə qolun müəllifi olub.
Qeyd edək ki, Ronaldu İspaniya ilə matçda (3:3) da oyunun ən yaxşı futbolçusu seçilmişdi.