​Robert Prosineçki Mahir Şükürov və Vaqif Cavadovu izləyəcək

Bakı. 26 fevral. REPORT.AZ/ Baş məşqçi Robert Prosineçki bu gün Azərbaycan milli komandası ilə birgə Bakıya qayıtmayacaq. 

“Report”un AFFA-nın rəsmi saytına istinadən verdiyi məlumata görə, o, Vaqif Cavadov və Mahir Şükürovun oyunlarını izləmək üçün Türkiyədə qalacaq.

Şükürov “Karşıyaka”, Cavadov isə “Boluspor”da cıxış edir.

Qeyd edək ki, fevralın 27-də "Boluspor" doğma meydanda "Bucaspor"u, bir gün sonra isə "Karşıyaka" "Orduspor"u qəbul edəcək.