“Real Madrid”in futbolçusunun səhhətində problem yaranıb

Bakı. 25 sentyabr. REPORT.AZ/ İspaniyanın “Real Madrid” komandasının futbolçusu İskonun səhhətində problem yaranıb.

“Report” “Marca”ya istinadən xəbər verir ki, 26 yaşlı yarımmüdafiəçiyə appendisit kəskinləşməsi diaqnozu qoyulub. Onun bu gün əməliyyat olunacağı və bərpa prosesinin bir ay çəkəcəyi bildirilir.

Qeyd edək ki, “Real Madrid” oktyabrın 28-də X tur çərçivəsində “Barselona”nın qonağı olacaq. İskonun həmin görüşə qədər sıraya dönəcəyi təxmin edilir.