"Real Madrid"in futbolçusu vergidən yayındığı üçün şərti həbs və cəriməyə məruz qalıb

Bakı. 11 sentyabr. REPORT.AZ/ İspaniyanın "Real Madrid" klubunun və Braziliya millisinin futbolçusu Marselo vergidən yayındığına görə cərimələnib.

"Report" "EL Mundo" nəşrinə istinadən xəbər verir ki, İpsaniya məhkəməsi 30 yaşlı müdafiəçiyə 4 aylıq şərti həbs və pul cəzası tətbiq edib.

Məhkəmə ilə razılığa əsasən, Marselo ödənilməmiş vergilərə görə, 196 min avro ödəyəcək. İspaniya qanunlarına əsasən, oyunçu həbs cəzasını pul ödəməklə bağlaya bilər. Beləliklə o, İspaniya hökümətinə 800 min avro ödəməyə məcbur olacaq.

Qeyd edək ki, İspaniya höküməti vergi borcuna görə Lionel Messi, Kriştianu Ronaldu və portuqaliyalı baş məşqçi Joze Mourinyonu da cərimələyib.