“Real Madrid” İtaliya klubundan FIFA-ya şikayət edəcək

Bakı. 17 avqust. REPORT.AZ/ İspaniyanın “Real Madrid” klubu İtaliya təmsilçisi “İnter”dən FIFA-ya şikayət edəcək.

“Report” “Marca”ya istinadən xəbər verir ki, buna səbəb milanlıların “kral klubu”nun futbolçusu Luka Modriçlə gizli danışıq aparmasıdır. Qaydalara əsasən, başqa bir klubun oyunçusu ilə onun müqaviləsinin başa çatmasına 6 ay qalmış təmas qurmaq olar.

33 yaşlı xorvatiyalı yarımmüdafiəçinin “Real Madrid”lə 30 iyun 2020-ci il tarixinədək sözləşməsi var.

Qeyd edək ki, daha əvvəl Madrid klubunun direktoru Emilio Butraqenyo Modriçin satılmadığını açıqlayıb.