Yuxarı

"Qəbələ"nin mövsümlərarası fasilədəki hazırlıq proqramı müəyyənləşib

"Qəbələ"nin mövsümlərarası fasilədəki hazırlıq proqramı müəyyənləşib

Bakı. 11 iyun. REPORT.AZ/ "Qəbələ" komandasının mövsümlərarası fasilədəki hazırlıq proqramı müəyyənləşib.

"Report"un klubun rəsmi saytına istinadən məlumatına görə, 2017/2018 mövsümü başa çatdıqdan sonra istirahətə buraxılan "qırmızı-qaralar" iyunun 12-də hazırlıqlara start verəcək.

Qəbələdə bir araya gələcək komanda üzvləri bir həftə ərzində məşqlərini doğma arenada gerçəkləşdirəcək. Milli komandaların düşərgəsindən qayıdan futbolçular xüsusi proqramla hazırlaşacaqlar.

"Qəbələ" iyunun 20-də Sloveniyaya yollanacaq. "Qırmızı-qaralar" iyulun 7-dək 4 yoxlama oyunu keçirəcəklər. Bu matçlardakı rəqiblər dəqiqləşməsə də, qarşılaşmalar iyunun 23-də, 28-də, iyulun 1-də və 5-də baş tutacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi