Yuxarı

UEFA "Qəbələ"nin Avropa Liqasındakı rəqibinin əsas qapıçısına 3 oyunluq cəza verib - VİDEO

Stefan Ruffye Azərbaycan klubu ilə ev oyununu da buraxacaq

Bakı. 2 sentyabr. REPORT.AZ/ Fransanın "Sent-Etyen" klubunun qapıçısı Stefan Ruffye 3 oyunluq cəzalandırılıb. "Report"un məlumatına görə, bu barədə UEFA Nizam-İntizam Komitəsi qərar qəbul edib.

Ruffye Avropa Liqasının "pley-off" mərhələsində İsrailin "Beytar" komandası ilə cavab oyunu zamanı rəqib futbolçu İtay Şexteri qəsdən vurub. 30 yaşlı qolkiper 44-cü dəqiqədə baş vermiş insidentlə əlaqədar birbaşa qırmızı vərəqə alıb. 

O, sentyabrın 14-də Almaniyanın "Maynts", sentyabrın 29-da Belçikanın "Anderlext" klubları ilə yanaşı, oktyabrın 20-də "Qəbələ" ilə oyunu da buraxmalı olacaq. "Sent-Etyen" bu qarşılaşmalardan birincisini səfərdə, qalanlarını evdə keçirəcək. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi