Yuxarı

UEFA reytinqi: Azərbaycan Qazaxıstan və Belarusa yaxınlaşıb

​"Qarabağ" UEFA reytinqində Azərbaycanın xallarını artırıb

"Qarabağ" komandası UEFA reytinqində Azərbaycanın xallarını artırıb.

"Report"un məlumatına görə, bu, Ağdam təmsilçisinin Avropa Liqasının qrup mərhələsinin II turunda Lüksemburqda "Düdelanj" üzərində əldə etdiyi 4:1 hesablı qələbə sayəsində gerçəkləşib. 

Nəticədə ölkə aktivinə daha 0,250 xal yazılıb. Hazırda 18,250 xala malik Azərbaycan 26-cı pillədə qalsa da, 25-ci pillədəki Qazaxıstandan yarım xal geridədir. "Astana" bu tur evdə Serbiya "Partizan"ına 1:2 hesabı ilə uduzub. 18,875 xalla 24-cü yerdə gedən Belarusun isə avrokuboklarda təmsilçisi qalmayıb.

Qeyd edək ki, "Qarabağ" bu qələbə ilə həm də Azərbaycanın ən yaxın izləyicilərinin də xal baxımından ona yaxınlaşmasına imkan verməyib. Düzdür, "Lüdoqorets" Macarıstanda "Ferentsvaroş"u 3:0 hesabı ilə yenərək, Bolqarıstanın Polşanı keçməsinə və 16,875 xalla 27-ci pillədə yer almasına səbəb olub. Amma hazırda Azərbaycan və Bolqarıstan arasındakı xal fərqi 1,375-ə bərabərdir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi