Yuxarı

"Qarabağ" sabiq qapıçısını geri qaytarmaq istəyir

"Qarabağ" sabiq qapıçısını geri qaytarmaq istəyir

"Qarabağ" sabiq qapıçısı İbrahim Şehiçi yenidən heyətinə qatmaq istəyir.

"Report" bih.ba saytına istinadən xəbər verir ki, "Erzurumspor"un oyunçusu ilə Türkiyənin "Trabzonspor", "Kasımpaşa", "Gazişehir Gaziantep" komandaları ilə yanaşı Azərbaycan çempionu da maraqlanır.

Ötən mövsümün nəticələrinə əsasən, Super Liqanı tərk edən "Erzurumspor"un prezidenti Hüseyn Ünes Türkiyə mətbuatına açıqlamasında qolkiperi komandada saxlamaq üçün mübarizə aparacaqlarını bildirib: "Türkiyə klubları ilə yanaşı, digər Avropa klubları da onu transfer etmək istəyir. Ancaq bizim mövqeyimiz bəllidir. Qalmasını istəyirik".

Qeyd edək ki, İbrahim Şehiç 2013 - 2018-ci ildə "Qarabağ"da çıxış edib. Bosniya və Herseqovina millisinin də şərəfini qoruyan qapıçının klubu ilə 2020-ci ilin yayına kimi müqaviləsi mövcuddur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi