Yuxarı

"Qarabağ” komandasını tərk edən ilk futbolçunun adı məlum olub

"Qarabağ” komandasını tərk edən ilk futbolçunun adı məlum olub
Komanda Pedro Enrike ilə yollarını ayırıb

Bakı. 13 may. REPORT.AZ/ "Qarabağ” komandasını tərk edən ilk futbolçunun adı məlum olub.

"Report" klubun rəsmi saytına istinadən xəbər verir ki, komanda cari mövsümün əvvəlində Yunanıstanın PAOK klubundan 1 illik icarəyə götürülmüş Pedro Enrike ilə yollarını ayırıb.

İcarə müddəti başa çatmış braziliyalı yarımmüdafiəçi ilə yeni müqavilə imzalanmayıb.

Ağdam klubu 28 yaşlı oyunçuya göstərdiyi xidmətlərə görə təşəkkür edərək, gələcək karyerasında uğurlar arzulayıb.

Pedro Enrike "Qarabağ"ın heyətində 26 matçda 6 qola imza atıb. O, Azərbaycan təmsilçisinin Çempionlar Liqasının qrup mərhələsində vurduğu ilk qolun müəllifi olub. "Sambaçı" 2017-ci il sentyabrın 27-də Bakı Olimpiya Stadionunda keçirilmiş görüşdə İtaliya "Roma"sını məyus edib. Qarşılaşma qonaqların 2:1 hesablı qələbəsi ilə yekunlaşıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi