Yuxarı

"Qarabağ" klubu "Şerif"lə oyunöncəsi ciddi itki ilə üzləşib

"Qarabağ" klubu "Şerif"lə oyunöncəsi ciddi itki ilə üzləşib

Bakı. 26 avqust. REPORT.AZ/ "Qarabağ" klubu Moldova "Şerif"i ilə keçirəcəyi Avropa Liqasının "play-off" mərhələsinin cavab oyunundan əvvəl daha bir ciddi itki ilə üzləşib. 

"Report" xəbər verir ki, bunu komandanın baş məşqçisi Qurban Qurbanov bildirib. Qurbanov ispaniyalı yarımmüdafiəçi Miçelin ən azı 15 günədək sıradan çıxdığını bildirib. 

46 yaşlı mütəxəssis "Şerif"lə ilk görüşdə zədəli olduğu üçün start heyətdə meydana çıxa bilməyən Abdullah Zubirin də durumuna aydınlıq gətirib. O, mərakeşli yarımmüdafiəçini "Neftçi" ilə Azərbaycan Premyer Liqasının III tur matçında riskə atmaq istəmədiyini söyləyib: "Onu meydana buraxmağa ehtiyatlandıq. "Şerif"lə cavab görüşünə tam hazır olma ehtimalı böyükdür".

Qeyd edək ki, avqustun 30-da Tofiq Bəhramov adına Respublika stadionunda keçiriləcək "Qarabağ" - "Şerif" matçı saat 21:00-da başlanacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi