Yuxarı
    Bağlamaq

    "Qarabağ"ın Avroliqadakı rəqibi "Tottenhem" klubunda istefa baş verib

    Qaret Beyli Real Madridə satan Franko Baldini texniki direktor vəzifəsini tərk edib

    Bakı. 28 sentyabr. REPORT.AZ/ "Qarabağ"ın Avropa Liqasının qrup mərhələsindəki rəqibi İngiltərənin "Tottenhem" futbol klubunda istefa baş verib. "Report"un məlumatına görə, Franko Baldini texniki direktor postunu tərk edib.

    Baldini bu vəzifədə 2013-cü ildən işləyirdi. Əvvəllər isə o, Fabio Kapellonun rəhbərliyi altında İspaniyanın "Real Madrid" klubunda və İngiltərə millisində köməkçi-məşqçi kimi çalışıb. 54 yaşlı mütəxəssis "Roma"da da texniki direktor olub.

    İtaliyalı funksioner "Tottenhem"də ikən Naser Şadli, Kristian Eriksen və Erik Lamela kimi transferlərin həyata keçirilməsində yardımçı olub. Onun dövründə Qaret Beyl "Real Madrid"ə keçib.

    Qeyd edək ki, "Tottenhem" Avropa Liqasının qrup mərhələsində ilk turu "Qarabağ" üzərində 3:1 hesablı ev qələbəsi ilə başa vurub. Bu komanda İngiltərə Premyer Liqasında 7 turdan sonra 5-ci pillədədir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi