Yuxarı
    Bağlamaq

    ​"Qarabağ" çempionatda ən yaxın izləyicisi ilə xal fərqini 20-yə yüksəldib

    Futbol üzrə Azərbaycan Premyer Liqasında 34-cü turun oyunları keçirilib

    Bakı. 12 may. REPORT.AZ/ Futbol üzrə Azərbaycan Premyer Liqasında 34-cü turun oyunları keçirilib.

    "Report"un məlumatına görə, hesabat turunun bütün oyunlarında ən azı 2 qol vurulub.

    Artıq çempionluğu təmin etmiş "Qarabağ" "Qəbələ"ni Dani Kintananın "dubl"u sayəsində məğlub edib. "Zirə"nin AZAL ilə səfər matçında 1:1 hesablı heç-heçə etməsi "Qarabağ"la Bakı klubu arasında xal fərqini 20-yə çatdırıb. Debütantın 2-ci pilləni əldən vermə təhlükəsi yaransa da, "Kəpəz"in evdə "Neftçi"yə gözlənilməz məğlubiyyəti Adil Şükürovun baş məşqçisi olduğu komandaya rahat nəfəs aldırıb. Gəncə təmsilçisinin uduzmasından yararlanan "İnter" isə "Xəzər Lənkəran" üzərində eyni hesablı qələbə sayəsində 3-cü pilləyə qalxıb. "Kəpəz" 4-cü, "Qəbələ" 5-ci pilləyə enib.

    "Zirə" ilə "İnter"in Avrokuboklardan kənarda qalma ehtimalı səbəbindən, 6-cı pillə uğrunda mübarizə daha da gərgin hal alıb. "Neftçi" Gəncədəki qələbədən sonra AZAL-la xallarını bərabərləşdirib. İndi "təyyarəçilər" yalnız şəxsi oyunlardakı üstünlük səbəbindən mövqelərini itirməyiblər. Aşağı pillələrdə qərarlaşmış "Sumqayıt"la "Rəvan" arasındakı görüşdə "gənclik şəhəri" təmsilçisi qələbə qazanıb - 3:1.

    Azərbaycan Premyer Liqası, XXXIV tur

    16:00. AZAL – "Zirə" - 1:1

    Qollar: Nuqzar Kvirtiya, 68 - Viktor İqbekoyi, 86

    Hakimlər: Elvin Əsgərov, Rahil Ramazanov, Vüsal Qənbərov, İnqilab Məmmədov

    AFFA nümayəndəsi: Məmmədəli Məmmədov

    Hakim-inspektor: Məhəmməd Məmmədov

    Bakı. "AZAL Arena"

    16:00. "Kəpəz" – "Neftçi" - 1:2

    Qollar: Julyen Ebah, 4 - Anyete, 49. Ruslan Qurbanov, 80-penalti ilə

    Qırmızı vərəqə: Tərlan Quliyev, 90 ("Kəpəz")

    Hakimlər: Fariz Yusifov, Munis Abdullayev, Elman Musayev, Ramil Diniyev

    AFFA nümayəndəsi: Abas Hüseynov

    Hakim-inspektor: Rövşən Əhmədov

    Gəncə. Gəncə şəhər stadionu

    17:00. "İnter" – "Xəzər Lənkəran" - 2:1

    Qol: Rauf Əliyev, 14. Yuri Fomenko, 27 - Vaquf Güləliyev, 47

    Hakimlər: Ömər Paşayev, Yaşar Abbasov, Vüqar Bayramov, Ziya Nəsirov

    AFFA nümayəndəsi: Rauf Əmirov

    Hakim-inspektor: Xaqani Məmmədov

    Bakı. "İnter Arena"

    18:00. "Sumqayıt" – "Rəvan" - 3:1

    Qol: Amil Yunanov, 64. Pərdis Fərcad Azad, 74; 81 - Yasin Həmid, 8

    Hakimlər: Rəvan Həmzəzadə, Azər Əsgərov, İsgəndər Əliyev, Fərid Məmmədov

    AFFA nümayəndəsi: Adil Nadirov

    Hakim-inspektor: Füzuli Nəcəfov

    Sumqayıt. "Kapital Bank Arena"

    19:00. "Qarabağ" – "Qəbələ" - 2:0

    Qol: Dani Kintana, 16; 32

    Hakimlər: Rəhim Həsənov, Namiq Hüseynov, Vaqif Musayev, Rauf Cabbarov

    AFFA nümayəndəsi: Əsgər Əmirəliyev

    Hakim-inspektor: Şahin Cəfərov

    Bakı. "Əlincə Arena (CBC Sport)

    Topaz Premyer Liqası
    N Klublar O Q H M T-F X
    1 Qarabağ 34 25 6 3 62-19 81
    2 Zirə 34 17 10 7 40-28 61
    3 İnter 34 15 11 8 36-24 56
    4 Kəpəz 34 15 10 9 46-37 55
    5 Qəbələ 34 14 11 9 41-28 53
    6 AZAL 34 13 7 14 26-33 46
    7 Neftçi 34 12 10 12 36-37 46
    8 Sumqayıt 34 7 12 15 37-47 33
    9 Xəzər Lənkəran 34 3 5 26 13-47 14
    10 Rəvan 34 4 8 22 23-60 14

    Nelson Bonilla ("Zirə") - 14 qol

    Dani ("Qarabağ") - 14 qol

    Ruslan Qurbanov ("Neftçi") -12 qol

    Amil Yunanov ("Sumqayıt") - 10 qol

    Riçard Almeyda ("Qarabağ") - 9 qol

    Aleksey Qay ("Qəbələ") - 9 qol

    Qeyd: FIFA İntizam Komitəsinin müraciəti əsasında 26.01.2016 tarixdə "Rəvan" klubunun aktivindən 6 xal silinib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi