PSJ Buffon ilə müqavilə imzalayıb - VİDEO

Bakı. 6 iyul. REPORT.AZ/ İtaliyanın "Yuventus" klubunun sabiq qapıçısı Canluici Buffon Fransa PSJ-si ilə müqavilə bağlayıb.

“Report” xəbər verir ki, bu barədə Paris klubunun rəsmi saytı məlumat yayıb.

Bildirilir ki, 40 yaşlı italiyalı ilə Fransa komandası arasında müqavilə 1 il müddətinə nəzərdə tutulub və daha bir il müddətinə uzadıla bilər.

Buffon 2001-ci ildən Turin klubunun şərəfini qoruyub, bu mövsüm isə müqavilə müddəti başa çatdığından komandanı tərk edib.