Yuxarı

Neymar zədələnərək meydanı göz yaşları ilə tərk edib

Neymar zədələndi və ağladı

Braziliya milli komandasının futbolçusu Neymar Qətərlə yoldaşlıq görüşü zamanı zədələnib.

"Report"un məlumatına görə, 27 yaşlı hücumçu ayaq biləyindən xəsarət alaraq 21-ci dəqiqədə meydanı tərk edib. Bu zaman göz yaşlarına hakim ola bilməyən Fransa PSJ-sinin forvardı paltardəyişmə otağına tibbi personalın köməyi ilə yollanıb. Stadionu isə o, qoltuq ağacları ilə tərk edib. Tibbi müayinə nəticəsində Neymarın ayaq biləyinin bağlarını qırdığı və 15 iyun - 7 iyulda keçiriləcək Amerika Kubokunu buraxacağı müəyyənləşib.

Bu itkiyə rəğmən, Braziliya yığması Qətərə 2:0 hesabı ilə qalib gəlib. Oyunda İngiltərə "Everton"unun yarımmüdafiəçisi Rişarlison 16-cı dəqiqədə hesabı açıb. "Mançester Siti"nin forvardı Qabriel Jezus isə bundan 8 dəqiqə sonra yekun nəticəni müəyyənləşdirib.

Qeyd edək ki, 2018/2019 mövsümündə Neymar 28 oyuna 23 qol vurub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi