Yuxarı
    Bağlamaq

    "Neftçi" zədəli futbolçuları ilə bağlı yeni məlumat yayıb

    Cavid İmamverdiyev 3-4 həftəyə sağalacaq

    Bakı. 8 oktyabr. REPORT.AZ/ “Neftçi” futbol klubunun tibbi-bərpa mərkəzi heyətdəki zədəli futbolçuların son durumu ilə bağlı yeni açıqlama yayıb. "Report"un klubun rəsmi saytına istinadən verdiyi məlumata görə, Elşən Abdullayev hazırda müalicə və bərpa prosesini davam etdirir. 

    Fərdi məşqlər edən yarımmüdafiəçinin oktyabrın 10-da komanda ilə məşqlərə cəlb olunacağı planlaşdırılır.

    Cavid İmamverdiyev sol budundan aldığı zədədən müalicə olunur. Komanda ilə məşqlərdən kənarda qalan yarımmüdafiəçinin 3-4 həftəyə sağalacağı gözlənilir. 

    Katalin Tira ayaq əzələsindəki zədədən müalicə olunur. Hücumçu oktyabrın 10-da komanda ilə məşqlərə qoşulacaq.

    Kamran Nəcəfzadə isə sağ dabanının zədəsinə görə, Almaniyada müayinə olunub. Almaniyalı mütəxəssislərin rəyinə görə, yarımmüdafiəçiyə cərrahi müdaxilə olunmasına ehtiyac var. Əməliyyatdan sonra bərpanın müddəti 9 aydır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi