"Neftçi"nin sabiq prezidenti Millətlər Liqasının oyununa təyinat alıb

Bakı. 13 oktyabr. REPORT.AZ/ "Neftçi" futbol klubunun sabiq prezidenti Orxan Hüseynzadə UEFA Millətlər Liqasının oyununa təyinat alıb.

“Report”un məlumatına görə, O.Hüseynzadə oktyabrın 16-da Astanada Qazaxıstan və Andorra komandaları arasında keçiriləcək matçın UEFA nümayəndəsi olacaq.

Qeyd edək ki, Orxan Hüseynzadə “Neftçi”nin prezidenti vəzifəsindən fevralın 16-da istefa verib. Hazırda kluba Kamran Quliyev rəhbərlik edir.