Yuxarı
    Bağlamaq

    "Neftçi"nin futbolçusu Gürcüstan yığmasına dəvət alıb

    Vladimir Vayss Georgi Navalovski və Nika Kvekveskiriyə dəvət göndərib© Courtesy İmage

    Bakı. 25 may. REPORT.AZ/ Gürcüstan milli komandasının Sent-Kitts və Nevis yığması ilə yoldaşlıq görüşü, eləcə də Moldova ilə 2018-ci il dünya çempionatının seçmə qrup matçı üçün heyəti açıqlanıb.

    "Report"un məlumatına görə, baş məşqçi Vladimir Vayss 25 futbolçuya dəvət göndərib.

    Onların arasında "Neftçi"nin müdafiəçisi Georgi Navalovski və "Qəbələ"dən ayrılaraq, Qazaxıstan "Tobol"u ilə müqavilə bağlayan Nika Kvekveskiri də var. Ümumilikdə dəvətlilərdən yalnız 3-ü Gürcüstan klublarında çıxış edir.

    Qeyd edək ki, yoldaşlıq görüşü iyunun 7-də Tbilisidə, rəsmi matç isə iyunun 11-də Kişinyovda olacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi