Yuxarı

"Neftçi"nin futbolçusu bir ay müddətinə sıradan çıxıb

"Neftçi"nin futbolçusu bir ay müddətinə sıradan çıxıb

Bakı. 15 iyul. REPORT.AZ/ Macarıstan "Uypeşt"i ilə Avropa Liqasının I təsnifat mərhələsinin ilk oyununda zədələnən "Neftçi"nin futbolçusu Namik Ələskərov ən azı bir ay müddətinə sıradan çıxıb.

"Report"un klubun rəsmi saytına istinadən məlumatına görə, bu, 23 yaşlı yarımmüdafiəçinin təkrar tibbi müayinəsindən sonra müəyyənləşib. Ələsgərov bir aydan sonra fərdi məşqlərin ardından kollektiv çalışmalara qoşula biləcək.

Qeyd edək ki, Namik Ələskərov "Uypeşt”lə matçın ilk hissəsində zədələnərək əvəzlənib. İyulun 13-də ilkin tibbi baxışdan sonra Ələskərovun sol dizində ön çarpaz bağın gərildiyi və hissəvi qopma olduğu müəyyənləşib. Bakıdakı "Dalğa Arena"da keçirilmiş qarşılaşma "Neftçi"nin 3:1 hesablı qələbəsi ilə yekunlaşıb. Cavab görüşü iyulun 19-da Budapeştdə olacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi