"Neftçi" ingiltərəli mütəxəssislə müqaviləni uzadıb

"Neftçi” Futbol Akademiyasının direktoru Mik Benetlə müqavilə 1 il müddətinə uzadılıb.

"Report" klubun saytına istinadən xəbər verir ki, fəaliyyəti rəhbərlik tərəfindən qənaətbəxş hesab edilən 56 yaşlı ingiltərəli mütəxəssis 2019/2020-ci illər mövsümünün sonunadək bu vəzifəni yerinə yetirəcək.

Xatırladaq ki, son mövsümdə "Neftçi” Futbol Akademiyasının U-15 və U-12 komandaları qızıl, U-13 və U-10 gümüş, U-19, U-17 və qızlardan ibarət U-13 komandası isə bürünc medal qazanıb. U-16 komandası mövsümü 5-ci pillədə bitirib. U-11 və U-14 isə 1/4 finalda mübarizəni dayandırıb.