Bakı. 24 dekabr. REPORT.AZ/ İtaliyanın "Milan" və "Yuventus" klubları arasında ölkə Superkuboku uğrunda keçirilən görüş birincinin qələbəsi ilə başa çatıb.
"Report" xəbər verir ki, Qətərin paytaxtı Dohada baş tutan matçın əsas və əlavə hissəsi 1:1 hesabı ilə başa çatıb.
Qalib oyunsonrası penaltilər nəticəsində müəyyənləşib.
İtaliya Superkuboku
"Milan" – "Yuventus" – 1:1 (penalti seriyası - 4:3)
Qollar: Corco Kyellini, 13 (0:1), Cakombo Bonaventura, 38 (1:1)
Bu, "Yuventus"un qapıçısı Canluici Buffonun 600 oyunu olub. O, bu göstərici üzrə ikincidir. Rekordçu klubun sabiq futbolçusu Alessandro Del Piyerodur (705).