Yuxarı

Messi Argentina millisinə qayıtdıqdan sonra zədələnib

Messi Argentina millisinə qayıtdıqdan sonra zədələnib

İspaniyanın "Barselona" klubunun ulduz futbolçusu Lionel Messi Argentina millisinin düşərgəsində zədələnib.

"Report" xəbər verir ki, bu barədə yığma komandanın rəsmi "Twitter" hesabı məlumat yayıb. 

32 yaşlı hücumçu Mərakeş yığmasına qarşı yoldaşlıq oyununda iştirak etməyəcək. Messinin qasıq nahiyəsində ağrılar hiss etdiyi bildirilib.

Həmçinin komandanın digər oyunçusu Qonsalo Martines də zədə səbəbindən növbəti görüşü buraxacaq. 

Qeyd edək ki, Argentina yoldaşlıq oyununda Venesuelaya 1:3 hesabı ilə uduzub. Lionel Messi həmin görüşdə sona qədər iştirak edib. Bu, ulduz futbolçunun 2018-ci il dünya çempionatından sonra yığmada ilk matçı olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi