Bakı. 23 iyun. REPORT.AZ/ Argentinanın “River Pleyt” komandasının 7 futbolçusunun dopinq-testi müsbət nəticə verib. “Report”un “Cronica” telekanalına istinadən verdiyi məlumata görə, bunlar - müdafiəçilər Lukas Martines və Conatan Maydana, yarımmüdafiəçilər Kamilo Mayda, Leonardo Pontsio və İqnasio Fernandes, hücumçular Sebastyan Driussi və Lukas Alariodur.
Oyunçulardan götürülmüş nümunələrdə qadağan olunmuş hidroxlortiazid maddəsi aşkarlanıb. 3 futbolçunun belə maddədən yararlandığı təsdiqlənib, qalanları üçün isə hələ təsdiq cavabı gəlməyib.
Qeyd edək ki, “River Pleyt” 36 qat Argentina çempionu və Libertadores Kubokunun 3 qat qalibidir.