Yuxarı

Mauro İkardi "İnter"lə müqaviləni yeniləməyəcək

Mauro İkardi "Çelsi" və ya "Real Madrid"ə keçəcək

Bakı. 9 yanvar. REPORT.AZ/ Argentina milli komandasının futbolçusu Mauro İkardi İtaliyanın "İnter" klubu ilə müqaviləni yeniləməyəcək. 

"Report" "TyC Sports"a istinadən xəbər verir ki, bu barədə 26 yaşlı hücumçunun agenti olan həyat yoldaşı Vanda Nara məlumat verib. Təcrübəli oyunçunun karyerasını İngiltərə "Çelsi"si və ya İspaniya "Real Madrid"ində davam etdirəcəyi vurğulanıb. 

Qeyd edək ki, Mauro İkardinin "İnter"lə sözləşməsi 2021-ci ilin iyun ayında başa çatacaq. 2013-cü ildən Milan təmsilçisində çıxış edən argentinalı forvard 2017-2018 mövsümündə İtaliya A Seriyasının ən yaxşı futbolçusu seçilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi