Yuxarı

UEFA "Mançester Yunayted" - PSJ matçı ilə bağlı intizam işi açıb

"Mançester Yunayted" - PSJ matçı ilə bağlı iş açıldı

Bakı. 13 fevral. REPORT.AZ/ UEFA Çempionlar Liqasının 1/8 final mərhələsinin ilk oyunu çərçivəsində keçirilmiş "Mançester Yunayted" (İngiltərə) - PSJ (Fransa) matçı ilə bağlı intizam işi açıb.

"Report" qurumun saytına istinadən xəbər verir ki, İngiltərə təmsilçisinin azarkeşləri sözügedən qarşılaşmada tribunaları bloklayıb və meydana yad əşyalar atıblar. 

Paris klubunun fanatları isə meydana əşyalar atmaqla yanaşı, görüşdə pirotexniki vasitələrdən istifadə etməkdə və iğtişaşlar yaratmaqda ittiham olunur.

Bu məsələ ilə bağlı qərar fevralın 28-də açıqlanacaq. 

Qeyd edək ki, matç PSJ-nin 2:0 hesablı qələbəsi ilə başa çatıb. Bu komandalar arasındakı cavab oyunu martın 6-da keçiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi