Bakı. 4 avqust. REPORT.AZ/ UEFA futbol üzrə 2016/2017 mövsümündə Avropa Liqasının ən yaxşı oyunçusu adına namizədlərin siyahısını açıqlayıb.
“Report”un qurumun rəsmi saytına istinadən verdiyi məlumata görə, ötən il yarışın qalibi olan İngiltərə təmsilçisi “Mançester Yunayted”in 3 futbolçusu ən yaxşı olmağa iddia edəcəklər.
Bunlar yarımmüdafiəçilər Pol Poqba ilə Henrix Mxitaryan və hücumçu Zlatan İbrahimoviçdir.
“Mançester Yunayted” Avropa Liqasının finalında Hollandiya “Ayaks”ını 2:0 hesabı ilə məğlub edib.
Qeyd edək ki, ən yaxşı oyunçunun adı avqustun 25-də Avropa Liqasının qrup mərhələsinin püşkatması zamanı açıqlanacaq.