Yuxarı

Hollandiyada ilin məşqçisi, komandası və idmançısı mükafatlandırılıb

Aryen Robben ilin idmançısı,  Lui van Qaal isə ilin baş məşqçisi adına layiq görülüb

Bakı. 17 dekabr. REPORT.AZ/ Hollandiya Futbol Federasiyası və Milli Olimpiya Komitəsinin birgə təşkil etdiyi tədbirdə ölkənin ən yaxşı idmançıları və komandası mükafatlandırılıb. "Report"un federasiyanın rəsmi saytına istinadən verdiyi məlumata görə, Aryen Robben ilin idmançısı, İngiltərənin "Mançester Yunayted" klubunun baş məşqçisi Lui van Qaal isə ilin baş məşqçisi adına layiq görülüb.

Van Qaal artıq bir dəfə bu ada sahib çıxıb. O, 2009-cu ildə ölkəsində ilin baş məşqçisi sayılıb. Mükafatlandırma mərasimində İngiltərənin "Mançester Yunayted" klubunun futbolçusu Robin van Persi də iştirak edib. Van Persi "ilin komandası" adı verilən Hollandiya yığması adından mükafatı qəbul edib. A.Robben isə Almaniya Bundesliqasında "Bavariya"nın oyunu olduğu üçün mərasimdə iştirak etməyib. Onun mükafatı futbolçunun atasına təqdim edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi