“Lion” “Spartak”ın futbolçusunu istəyir

Rusiya “Spartak”ının futbolçusu Samüel Jiqo Fransanın “Lion” klubuna keçə bilər.

“Report”un “L Equipe” nəşrinə istinadən məlumatına görə, “şirlər” yeni mövsüm üçün müdafiəsini gücləndirmək niyyətindədir. Son günlər Fransa klubu komandanın əsas transfer hədəfi ola biləcək Jiqo ilə maraqlanır.

Jiqo “Spartak”da 2018-ci ildən çıxış edir. O, paytaxt klubunun heyətində müxtəlif turnirlərdə 37 oyun keçirib, 5 qol vurub. “Transfermarkt” portalı 26 yaşlı fransalı müdafiəçiyə 8 milyon avro qiymət qoyub.