Yuxarı
    Bağlamaq

    "Kopenhagen" klubu "Qarabağ" azarkeşlərinə müraciət edib

    Ağdam komandası fanatlarına Parken stadionunda daxili nizam-intizam, bölgü və təhlükəsizlik qaydaları çatdırılıb

    Bakı. 5 avqust. REPORT.AZ/ Danimarkanın "Kopenhagen" klubu futbol üzrə Çempionlar Liqasının "play-off" mərhələsində keçirəcəyi oyunlarla əlaqədar "Qarabağ" azarkeşlərinə müraciət edib.

    "Report"un məlumatına görə, bununla bağlı klubun saytında rəsmi açıqlama yerləşdirilib.

    Ağdam komandası fanatlarına avqustun 23-də Bakı vaxtı ilə saat 22:45-də cavab görüşünün təşkil olunacağı "Parken" stadionunda daxili nizam-intizam, bölgü və təhlükəsizlik qaydaları çatdırılıb. O da vurğulanıb ki, qonaq komanda tərəfdarları biletləri yalnız "Qarabağ" klubu vasitəsilə əldə edə bilərlər.

    "Parken" stadionu 38 min tamaşaçı tutumuna malikdir. Bu isə o deməkdir ki, "Qarabağ" azarkeşləri üçün 1900 nəfərlik sektor ayrılacaq.

    Qeyd edək ki, iki komanda arasındakı ilk oyun avqustun 15-də Bakıdakı Tofiq Bəhramov adına Respublika stadionunda keçiriləcək. Oyun saat 20:00-da başlanacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi