Bakı. 6 fevral. REPORT.AZ/ Antonio Konte tezliklə İngiltərənin “Çelsi” futbol komandasının baş məşqçisi postundan istefaya göndəriləcək.
“Report”un sports.es saytına istinadən verdiyi məlumata görə, italiyalı mütəxəssisi ispaniyalı Luis Enrike əvəzləyəcək. Enrike əvvəllər İspaniyanın “Barselona” və İtaliyanın “Roma” kollektivlərinə rəhbərlik edib.
“Çelsi” ötən gün Premyer Liqanın XXVI tur matçında “Uotford”a səfərdə 1:4 hesabı ilə uduzub. Bu, "zadəganlar"ın ardıcıl ikinci böyükhesablı məğlubiyyətidir. “Göylər” hazırda 50 xalla 4-cü pillədə qərarlaşıblar.
Qeyd edək ki, Antoni Konte "Çelsi"yə 2016-cı ilin yayından rəhbərlik edir. O, ötən mövsüm komandaya İngiltərə çempionluğu qazandırıb.