KİV: Antonio Konte “Real Madrid”in baş məşqçisi olmaqdan imtina edib

Futbol

31 oktyabr, 2018
12:47

KİV: Antonio Konte “Real Madrid”in baş məşqçisi olmaqdan imtina edib

Report/ Firi Salim

Report.az-ı Google seçilmiş mənbələrinə əlavə edin

Yeniliklərdən dərhal xəbərdar olun!

Bakı. 31 oktyabr. REPORT.AZ/ Antonio Konte İspaniyanın “Real Madrid” komandasının baş məşqçisi olmaqdan imtina edib.

“Report” “Sky Sports”a istinadən xəbər verir ki, “kral klubu” 49 yaşlı italiyalı mütəxəssislə razılığa gələ bilməyib.

Konte “Real Madrid” variantının onun üçün uyğun layihə olmadığını vurğulayıb.

Son iş yeri İngiltərənin “Çelsi” komandası olan italiyalı məşqçinin daha əvvəl Madrid təmsilçisindən uzunmüddətli müqavilə tələb etdiyi, tərəflərin maliyyə məsələsində də razılıq əldə etmədikləri bildirilirdi.

Qeyd edək ki, “Real Madrid” rəhbərliyi La Liqanın X turunda səfərdə "Barselona"ya 1:5 hesablı məğlubiyyətdən sonra baş məşqçi Xulen Lopetegini istefaya göndərib.