Yuxarı

"Keşlə"nin futbolçusu: "Qarabağ"a qalib də gələ bilərdik"

"Keşlə"nin futbolçusu: "Qarabağ"a qalib də gələ bilərdik"

Bakı. 31 oktyabr. REPORT.AZ/ "Gərgin oyun alındı. Hər iki komandanın qarşılıqlı qolları ilə yekunlaşdı. Bizim də çox şanslarımız oldu".

"Report" xəbər verir ki, bunu "Keşlə"nin futbolçusu Sertan Taşqın Azərbaycan Premyer Liqasının VII turundan təxirə salınmış oyunda "Qarabağ"la 1:1 hesablı heç-heçədən sonra deyib.

Matçın 79-cu dəqiqəsində komandasının bərabərlik qoluna imza atan 21 yaşlı müdafiəçi bildirib ki, ardıcıl xal itkilərindən sonra əldə olunan bu nəticəni "Keşlə" üçün uğurlu saymaq olar:

"Qarabağ" ölkənin bir nömrəli komandasıdır. Yaxşı nəticə idi. Qalib də gələ bilərdik. Müdafiəçi olaraq qol vurmaq qürurvericidir. Neçə oyundur vurmağa çalışırdım. Axır ki, edə bildim. Yavaş-yavaş ayağa qalxırıq. Çox ağır günlər keçirdik. Ümid edirəm ki, yaxşı olar. Tərlan Əhmədovun baş məşqçi postuna gəlişinin, hər şeyin təsiri var. Motivasiya və əzmkarlıqla hər şey yoluna düşər".

Qeyd edək ki, bu, "Keşlə"nin yeni baş məşqçisi Tərlan Əhmədovun debüt oyunu olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi