"Keşlə" klubunun baş məşqçisi istefa verib

Bakı. 16 iyul. REPORT.AZ/ Azərbaycanı UEFA Avropa Liqasında təmsil edən "Keşlə" komandasının baş məşqçisi Yuri Maksimov postundan istefa verib.

Klubun Mətbuat xidmətindən "Report"a verilən məlumata görə, ukraynalı mütəxəssis öz istəyi ilə postunu tərk edib.

Qeyd edək ki, "Keşlə" Avropa Liqasının I təsnifat mərhələsinin ilk oyununda Maltada "Baltsan"a 1:4 hesabı ilə uduzub. Bu komandalar arasında cavab matçı iyulun 19-da Bakıda keçiriləcək. Bu ilin yanvar ayında "Keşlə"yə rəhbərlik edən Maksimov komandaya Azərbaycan Kubokunu qazandırıb. Bir müddət əvvəl onun müqaviləsi bir illik uzadılmışdı.