Yuxarı
    Bağlamaq

    “Kəpəz” Premyer Liqada ilk dövrənin bütün oyunlarını səfərdə keçirəcək

    Şahin Diniyev: “Rəqibləri başqa şəhərdə qəbul etməyimizə ehtiyac qalmayıb”

    Bakı. 3 avqust. REPORT.AZ/ “Kəpəz” komandası Azərbaycan Premyer Liqasının 2017/2018 mövsümündə ilk dövrənin bütün oyunlarını səfərdə keçirəcək. 

    Bu barədə “Report”a komandanın baş məşqçisi Şahin Diniyev məlumat verib.

    Əlli bir yaşlı mütəxəssis Gəncə şəhər stadionunda yeni ot örtüyünün salınması ilə əlaqədar ilk dövrədə ev matçlarını Bakı və ya Tovuzda keçirməyə gərək qalmadığını söyləyib: "Artıq rəqib klublarla oyunların yerlərinin dəyişdirilməsi ilə bağlı razılıq əldə olunub. Rəqibləri başqa şəhərdə qəbul etməyimizə ehtiyac qalmayıb. Oyunların yerləri dəyişdirləcək və ilk dövrədəki 7 matçımız səfərdə olacaq. Açığı, bu, daha çox bizim əleyhimizə olan amildir. Yəni rəqiblərdən oyunların yerlərinin dəyişdirilməsinə etiraz edən yoxdur”.

    Qeyd edək ki, Gəncə şəhər stadionunda mayın 11-dən başlayan təmir-bərpa işləri AFFA-nın vəsaiti hesabına həyata keçirilir. Stadionun II dövrəyədək hazır olacağı proqnozlaşdırılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi