Yuxarı
    Bağlamaq

    Kamran Ağayev Portuqaliya klubundakı ilk oyununda kobud səhvi üzündən qol buraxıb - VİDEO

    O, topu əlində saxlaya bilməyib

    Bakı. 24 sentyabr. REPORT.AZ/ Azərbaycan milli komandasının qapıçısı Kamran Ağayev Portuqaliyanın "Boavişta" futbol komandasının heyətində ilk rəsmi matçına çıxıb.

    "Report"un məlumatına görə, VI turun açılış oyununa təsadüf edən qarşılaşmada rəqib "Portu" olub.

    "Draqau" stadionunda keçirilmiş Portu derbisi meydan sahiblərinin 3:1 hesablı qələbəsi ilə yekunlaşıb. Hesabı 5-ci dəqiqədə "Boavişta"nın futbolçusu Nunu Enrike açıb. Lakin 19-cu dəqiqədə "Boavişta" müdafiəçilərinin süni oyundankənar vəziyyət yaratmaq istəkləri uğursuz alınıb və Andre Silva yaxın məsafədən Ağayevlə üz-üzə qalaraq, hesabı bərabərləşdirib. 41-ci dəqiqədə isə o, penaltini dəqiq yerinə yetirib. Azərbaycanlı qapıçı topun istiqamətini müəyyənləşdirsə də, zərbəni dəf edə bilməyib.

    Oyunda son nöqtə isə 86-cı dəqiqədə qoyulub. Bu dəfə "Portu"nun futbolçusu Aleks Tellesin cinah asmasından sonra Ağayev topu əlində saxlaya bilməyib. Nəticədə top qapı dirəyinə dəyərək, tora daxil olub.

    Beləliklə, "Boavişta"nın uduzduğu qarşılaşmaya Kamran Ağayev kobud səhvi ilə damğa vurub. Bu nəticədən sonra "Portu" 13 xalla 2-ci pilləyə yüksəlib. "Boavişta" isə hələlik 5 xalla 12-ci pillədədir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi