İtaliya Futbol Federasiyasının yeni prezidenti müəyyənləşib

Bakı. 22 oktyabr. REPORT.AZ/ İtaliya Futbol Federasiyasının yeni prezidenti müəyyənləşib.

"Report" qurumun rəsmi saytına istinadən xəbər verir ki, bu, Qabriele Qravinadır. 65 yaşlı funksioner bu səsvermədə tək namizəd olaraq iştirak edib. O, səslərin 97,20 faizini toplayıb. Digər səslər isə qeydə alınmayıb.

Qeyd edək ki, Qabriele Qravina 2016-cı ildə başlayan və 2020-ci ildə bitən dörd illik prezidentlik dövrünün sonuna qədər bu vəzifəni yerinə yetirəcək.