Yuxarı

İsveçdə İbrahimoviçin heykəlinin ayaqlarını kəsərək aparmaq istəyiblər

İsveçdə İbrahimoviçin heykəlinin ayaqlarını kəsərək aparmaq istəyiblər

İsveç təmsilçisi “Malmö”nün azarkeşləri klubun sabiq futbolçusu Zlatan İbrahimoviçin heykəlinin ayaqlarını kəsməyə çalışıblar.

“Report” “Sportbladet” portalına istinadən xəbər verir ki, fanatlar istəklərinə nail ola bilmədikləri üçün ərazidən uzaqlaşıblar. Polisin verdiyi məlumata görə, heykələ ip bağlanması həmin şəxslərin onu kəsdikdən sonra aparmaq istəmələrinə dəlalət edir. Hazırda heykəlin ətrafına sədd çəkilib.

Ötən ay “Malmö” tərəfdarları 38 yaşlı hücumçunun ölkənin digər təmsilçisi “Hammarbü”nün səhmlərinin bir hissəsini almasına etiraz əlaməti olaraq onun heykəlini yandırıblar.

Qeyd edək ki, İbrahimoviç 1999-2001-ci illərdə formasını geyindiyi “Malmö”nün yetirməsidir. Bu ilin oktyabrında məşhur forvardın doğulduğu Malmödə heykəli qoyulub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi