Yuxarı
    Bağlamaq

    ​İspaniya Futbol Federasiyası Pikenin cəzasını açıqlayıb

    Futbolçu pul cəzasına da məruz qalıb

    Bakı. 19 avqust. REPORT.AZ/ İspaniya Futbol Federasiyasının İntizam Komitəsi "Atletik"lə "Barselona" arasında keçirilmiş Super Kubok qarşılaşmasında baş verənlərlə bağlı cəzaları açıqlayıb. "Report"un məlumatına görə, "Barselona"nın futbolçusu Cerard Pike sərt cəzaya məruz qalıb.

    Matçın 56-cı dəqiqəsində yan xətt hakimini təhqir edən Pike baş hakim tərəfindən qırmızı vərəqə ilə cəzalandırılıb. Komitənin iclasında isə video və fotolara əsaslanaraq futbolçunun hakimi təhqir etməsi sübuta yetirilib.

    Nəticədə Pikeyə 4 oyunluq cəza verilib. Bundan əlavə, təhqirə görə futbolçu 3005 avro, klubu isə 1400 avro ödəməli olacaq.

    Qeyd edək ki, 2 görüşdən ibarət olan Super Kubokun qalibi "Atletik" klubu olub. Bilbao təmsilçisi 2 oyunun nəticəsinə görə 5:1 hesablı qələbə qazanıb - 4:0 və 1:1

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi