Yuxarı
    Bağlamaq

    İngiltərədə simuliyasiyaya yol verən futbolçular iki oyunluq diskvalifikasiya olunacaqlar

    Qərar yalnız penalti və meydandan qovulmaya səbəb olan simuliyasiyalara şamil olunur

    Bakı. 1 avqust. REPORT.AZ/ İngiltərədə 2017/2018 mövsümündən etibarən simuliyasiyaya yol verən futbolçular iki oyunluq diskvalifikasiya olunacaqlar.

    “Report”un “Independent” nəşrinə istinadən verdiyi məlumata görə, bu barədə İngiltərə Futbol Assosiasiyası qərar qəbul edib.

    Mütəxəssislər hesab edirlər ki, bu cür sərt cəza hakimləri aldatmağa yönəlik hərəkətlərin aradan qalxmasına kömək edəcək.

    Qərar yalnız penalti və meydandan qovulmaya səbəb olan simuliyasiyalara şamil olunur. Referilərin bu cür hallarda göstərdikləri qırmızı vərəqələr ləğv olunacaq, “sarı”lar isə qüvvədə qalacaq.

    Simuliyasiya hallarına sabiq futbolçu, məşqşi və hakimlərdən ibarət üç nəfərlik komissiya qiymət verəcək.

    Qeyd edək ki, İngiltərədə 2017/2018 futbol mövsümünə avqustun 4-də start veriləcək. Cümə günü Çempionşipin (I divizion) ilk turu çərçivəsində 2 oyun keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi