Yuxarı
    Bağlamaq

    İngiltərə yığmasının sabiq futbolçusu oteldə döyülüb

    49 yaşlı futbolçu kəllə-beyin travması alıb

    Bakı. 28 dekabr. REPORT.AZ/ İngiltərə yığmasının sabiq futbolçusu Pol Qaskoyn xəstəxanaya yerləşdirilib. "Report"un "Daily Mail"ə istinadən verdiyi məlumata görə, 49 yaşlı futbolçu kəllə-beyin travması alıb.

    Hadisə Londondakı otellərdən birində baş verib. P.Qaskoyn içkili halda otelə daxil olaraq ictimai asayişi pozub. O, oteldə olan qadının ünvanına irqçi fikirlər səsləndirib və təcavüzə cəhd edib. Bu zaman oteldəki qonaqlardan biri futbolçunun üzərinə atılaraq onunla dava etməyə başlayıb. İnsident zamanı futbolçu ağır xəsarət alıb. Onu döyən müştəri isə polis tərəfindən saxlanılıb.

    Qeyd edək ki, Pol Qaskoyn futbolçu karyerası ərzində İngiltərənin "Nyukasl", "Middlsbro", "Everton", "Tottenhem", İtaliyanın "Latsio" və Şotlandiyanın "Reyncers" klublarında çıxış edib. 2014-cü ilin oktyabrında Londondakı xəstəxanaların birində müalicə alan Qaskoyn 2015-ci ilin dekabrında əlindən yaralı, huşsuz vəziyyətdə tapılaraq xəstəxanaya yerləşdirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi