İngiltərə klubunun sabiq futbolçusu avtomobil qəzasında dünyasını dəyişib

Bakı. 15 may. REPORT.AZ/ Futbol üzrə Trinidad və Tobaqo milli komandasının sabiq futbolçusu Cey-Lloyd Samuel 37 yaşında dünyasını dəyişib.

"Report"un məlumatına görə, İngiltərədə yaşayan oyunçu avtomobil qəzasında vəfat edib. Onun idarə etdiyi "Cip" markalı avtomobil qarşı tərəfdən hərəkət edən maşınla toqquşub.

Qeyd edək ki, Cey-Lloyd Samuel İngiltərənin "Aston Villa", "Bolton" klublarında çıxış edib. O, 2015-ci ildə İranın "Peykan" klubunda karyerasını başa vurub.