Yuxarı

İngiltərə Futbol Assosiasiyası Xosep Qvardiolaya xəbərdarlıq edib

İngiltərə Futbol Assosiasiyası Xosep Qvardiolaya xəbərdarlıq edib

Bakı. 5 yanvar. REPORT.AZ/ İngiltərə Futbol Assosiasiyası (FA) "Mançester Siti" komandasının baş məşqçisi Xosep Qvardiolaya xəbərdarlıq edib. 

"Report"un məlumatına görə, buna 48 yaşlı mütəxəssisin "Liverpul"a 2:1 hesabı ilə qalib gəldikləri Premyer Liqanın XXI tur matçındakı davranışı səbəb olub.

Qvardiola görüş zamanı emosiyalarını açıq büruzə verib, boynundakı şərfi nümayişkaranə formada yerə tullayıb və ehtiyat hakim Martin Atkinsonun üstünə qışqırıb. Atkinson temperamentli baş məşqçini sakitləşdirmək üçün hətta referi Entoni Teyloru texniki zonaya dəvət etməli olub. 

Bu, ispaniyalı mütəxəssisə ilk xəbərdarlıqdır. O daha üç xəbərdarlıq alsa, diskvalifikasiya olunacaq. 

Qeyd edək ki, Xosep Qvardiolanın "Mançester Siti"nin baş məşqçi postunda 100-cü qələbəsi məhz "Liverpul"la görüşə təsadüf edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi