Yuxarı
    Bağlamaq

    İngiltərə 20 yaşadək futbolçular arasında dünya çempionu olub - VİDEO

    Yığma finalda Venesuelaya 1:0 hesabı ilə qalib gəlib

    Bakı. 11 iyun. REPORT.AZ/ Cənubi Koreyada 20 yaşadək futbolçular arasında keçirilən dünya çempionatının qalibi müəyyənləşib.

    "Report"un məlumatına görə, İngiltərə yığması finalda Venesuelaya 1:0 hesabı ilə qalib gəlib.

    Oyunda yeganə topu 35-ci dəqiqədə "Everton"un hücumçusu Dominik Kalvert-Lyuin vurub. 74-cü dəqiqədə Venesuala millisi penalti qazansa da, Adalberto Penyaranda fürsətdən yararlana bilməyib.

    Beləliklə, İngiltərə yığması tarixində ilk dəfə 20 yaşlılar arasında dünya çempionu olub. Rekordçu isə 6 dəfə qızıl medal qazanmış Argentinadır.

    Qeyd edək ki, bürünc medalı penaltilər seriyasında Uruqvaya 4:0 hesabı ilə qalib gəlmiş İtaliya qazanıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi