Futbol üzrə Şotlandiya yığmasının yeni baş məşqçisi müəyyənləşib

Bakı. 16 fevral. REPORT.AZ/ Futbol üzrə Şotlandiya milli komandasının yeni baş məşqçisi müəyyənləşib.

"Report"un "BBC"-yə istinadən verdiyi məlumata görə, Şotlandiya Futbol Federasiyası Aleks Maklişlə razılığa gəlib.

59 yaşlı mütəxəssislə 2020-ci ilədək müqavilə bağlanılacaq.

Qeyd edək ki, Aleks Makliş bu vəzifədə Qordan Straçanı əvəzləyəcək. Straçan komandanı 2017-ci ilin oktyabrında tərk edib. Makliş 2007-ci ilin yanvarından noyabrınadək də Şotlandiya millisinin baş məşqçisi olub.